Actualidade

Venres, 22 de marzo de 2019
Lugo volverá vestirse de primavera o próximo sábado 30, co desfile de moda do comercio de Lugo

A gala de moda organizada pola Asociación de Autónomas de Galicia, coa colaboración do Concello e da Deputación de Lugo, busca impulsar o comercio de proximidade e demostrar a súa gran calidade

23 comercios da cidade mostrarán as súas propostas para nenos e adultos en téxtil, calzado, xoiería, peletería e complementos. O aforo da gala é de 300 persoas, os convites son de balde e é necesario solicitalos nos establecementos participantes

Durante o desfile, na sala de exposicións haberá obradoiros para os máis pequenos, ademais ao finalizar sortearanse dous vales de 50 euros e un de 100 euros para gastar nas tendas participantes

Venres, 22 de marzo de 2019
Aberta a inscrición para os 4 torneos do Ludus Gaming Festival, que contará con 8 zonas diferenciadas e máis de 100 postos de xogo

Pódense realizar ben a través da páxina web do Concello, www.lugo.gal, ou no enderezo electrónico https://ebone.es/ebone-organiza-videojuegos-ludus-gaming/

O evento, de acceso gratuíto, celebrarase o venres, 29 de marzo, de 17:00 a 22:00 horas, o sábado 30 de marzo, de 11:00 a 22:00 horas e o domingo, 31, de 11:00 a 20:00 horas na Casa do Deporte

A cita está enmarcada na programación do Concello para potenciar as novas tecnoloxías e achegar á veciñanza ao mundo dixital. Está aberto tanto á mocidade como a público familiar que queira gozar co lecer dixital

Lugo prevé uns 5.000 asistentes a este festival, co que o Concello recupera un encontro que xa se realizou en anos pasados con características similares na cidade de Lugo e grande aceptación

Venres, 22 de marzo de 2019
O Concello repara un treito da beirarrúa de Lamas de Prado e instalará unha varanda, mellorando a seguridade da veciñanza da contorna

Ambas as dúas actuacións, cun orzamento total duns 4.600 euros, responden a peticións veciñais. Ademais, melloran a contorna urbana con elementos que garanten a mobilidade e o tránsito de peóns

Venres, 22 de marzo de 2019
Obradoiros nos colexios e un novo libro dos Bolechas para empoderar aos nenos e nenas

Rosana Rielo presentou a iniciativa Empodérate!, a terceira máis votada no proceso dos Orzamentos Participativos

As accións desta proposta teñen como obxectivo traballar en prol da igualdade, incidinco en que a elección profesional que as nenas e os nenos realicen no futuro non debe estar limitada polo xénero, senón polas inquedanzas persoais

Xoves, 21 de marzo de 2019
O Concello apoia o labor de integración social de Accem cunha xornada informativa sobre o plan Life para persoas refuxiadas

Continúa a divulgación deste proxecto de impulso ao desenvolvemento urbano sostible e a economía verde con obradoiros en colexios lucenses

Xoves, 21 de marzo de 2019
Lugo acollerá a última fin de semana de marzo o Ludus Gaming Festival, cita indispensable para amantes dos videoxogos

Rosana Rielo deu a coñecer este evento, de acceso gratuíto, que se celebrará o venres, 29 de marzo, de 17:00 a 22:00 horas, o sábado 30 de marzo, de 11:00 a 22:00 horas e o domingo, 31, de 11:00 a 20:00 horas

A cita está enmarcada na programación do Concello para potenciar as novas tecnoloxías e achegar á veciñanza ao mundo dixital. Está aberto tanto á mocidade como a público familiar que queira gozar co lecer dixital

Con este evento proxéctase o interese da tecnoloxía e reivindícase o papel do videoxogo como algo máis que un xogo, como unha oportunidade profesional, de emprendemento

Lugo prevé uns 5.000 asistentes a este festival, co que o Concello recupera un encontro que xa se realizou en anos pasados con características similares na cidade de Lugo e grande aceptación

O Ludus Gaming Festival estará composto por 8 zonas diferenciadas, 4 torneos e máis de 100 postos de xogo

Xoves, 21 de marzo de 2019

Mañá venres, ás 20:30 horas, Víctor Manuel presentará o seu novo traballo no Auditorio Municipal, Casi nada está en su sitio, nun concerto cunha duración de 70 minutos enmarcado na programación de Artes Escénicas

O sábado, este mesmo espazo municipal, tamén a partir das 20:30 horas, acollerá o espectáculo de Coprodución Centro Dramático Nacional e Octubre Producciones - Si no te hubiese conocido

Tamén o sábado ás 20:30 horas, o Vello Cárcere será o escenario da última actuación do ciclo Liberdades Sonoras. Josephine Foster, unha das voces máis carismáticas do folk estadounidense, será a protagonista. A entrada é de balde

Para domingo, o Concello programou unha visita gratuíta teatralizada ao Cemiterio Municipal de San Froilán, De quen ves sendo?, a cargo de Achádego Teatro. Arrincará ás 17:30 horas. Para particpar é necesario retirar invitación

Ademais, ao longo desta fin de semana continúa o Festival Atlántica, co que colabora o  Concello, e que acolle este ano por primeira vez Lugo. Contempla espectáculos para público familiar e adulto