Actualidade

Mércores, 20 de marzo de 2019

A Xunta de Goberno aprobou a cobertura en comisión de servizos de dous postos destes mandos intermedios no servizo de extinción de incendios e da xefatura de Cultura

Nomeado un oficial sepultureiro e incorporado na oficina do rural un enxeñeiro técnico agrícola

Concello e Xunta asinaron o convenio de colaboración para delegar na AGASP os proceso selectivos da Policía Local

Mércores, 20 de marzo de 2019
Concello e CEL impulsan un programa de formación para aprender a emprender, dentro dos Orzamentos Participativos

Rosana Rielo, Ana Prieto e Lourdes Pardo presentaron as Píldoras de coñecemento para persoas emprendedoras, unha proposta que recibiu máis dun centenar de votos no proceso participativo

Trátase de 4 obradoiros, de 15 horas de duración cada un, que se celebrarán de luns a xoves na sede da CEL, en xornada de tarde dende o 1 de abril. Para participar é preciso inscribirse, dende hoxe mesmo, a través de www.cel.es. Cada persoa pode participar en píldoras separadas ou no seu conxunto

Mércores, 20 de marzo de 2019

A asociación de recreación histórica Ara Roma será a encargada de dirixir o taller, que terá lugar das 11:30 ás 13:30 horas, no Centro Arqueolóxico de San Roque

En xornada de tarde será o percorrido pola cidade co seu fundador, a partir das 17:00 horas, dende o miliario da Praza de Armañá,  cun percorrido polos museos e aspectos romanos de Lvcvs Avgvsti

Para ambas as dúas actividades, que son de balde, é preciso inscribirse a través do 010 ou no 982297350 para os de fóra de Lugo. O prazo para anotarse aínda está aberto

Luns, 18 de marzo de 2019
O Concello abre unha caixa de correo de "Mulleres con Forza" para recoller propostas cidadás sobre o pensamento feminista

A campaña de sensibilización e concienciación quere poñer en valor a aquelas mulleres que loitan e loitaron pola igualdade na historia e invitar a reflexión dos e das lucenses

A iniciativa, apoiada pola Deputación, está aberta a toda a cidadanía, colectivos e persoas a título individual, especialmente do ámbito educativo

A acción reforza a marca Mulleres con forza, impulsada polo Concello e que sitúa a Lugo como único municipio de España que se identifica como feminista na súa marca cidade

Luns, 18 de marzo de 2019
Lugo celebra esta semana o Día Mundial da Narración Oral co Festival Atlántica, que chega por primeira vez á cidade

Trátase de 8 espectáculos gratuítos, que terán lugar do 20 ao 23 de marzo no Mihl, no Vello Cárcere e na Biblioteca Municipal Isidro Novo. Concretamente hai un no MIIHL para nenas e nenos de 6 meses a 3 anos, cinco no Vello Cárcere para público adulto e dous na biblioteca para público familiar

Aínda que a entrada é libre e gratuíta, ata completar aforo, para a programación do Mihl e da Biblioteca é preciso retirar invitación nas propias instalacións da biblioteca. Poderá facerse a partir de hoxe

Para pechar este festival, o Concello ten previsto un roteiro de poesía polas rúas da cidade este domingo, 24 de marzo, con saída dende a Praza Maior, diante da Casa Consistorial, ás 12:30 horas

Domingo, 17 de marzo de 2019
O Concello mellora a iluminación do parque infantil de Gallego Tato

Lara Méndez, Rosana Rielo e Manuel Núñez mantiveron un encontro con representantes da ANPA do colexio Luis Pimentel, que propuxeron nos Orzamentos Participativos estas tarefas, cun orzamento de 8.300 euros