Concello e Deputación implican aos establecementos para crear espazos seguros contra as agresións sexistas

Ana Abelleira e Carmen Basadre presentaron a campaña, que arrincará polos festexos do Arde Lvcvs, ante a escalada de actos sexistas que se producen e tamén que se amparan en ambientes festivos

Os espazos seguros identificaranse coa imaxe dunha man violeta e o lema Non é Non, que se deberá colocar nun lugar visible ao exterior. Ademais distribuiranse dípticos informativos e chapas de rexeitamento de todo tipo de agresións

Para participar é necesario contactar coa Casa da Muller. A colaboración consistirá na acollida das persoas que o demanden por sentirse vítimas dalgunha agresión e, se fose necesario, permitir facer chamadas telefónicas a Emerxencias, Policía Local, Corpo Nacional de Policía ou 016

Mércores, 30 de maio de 2018
Fonte: 
Gabinete de Prensa