Actualidade

Ex., 23-09-2018
Ex., 23-09-2018
Mércores, 22 de agosto de 2018

Trátase do vial de Milleirós, dos Chaos e Camiño de Liñares (en Meilán), das rúas Monte Adairo e Monte Pía Paxaro (nas Gándaras), do acceso á igrexa do Sagrado Corazón e da rúa dos Artesáns (no Ceao)

As tarefas acometeranse ben a través do Plan Único ou do Plan de Barrios, co obxecto de “avanzar na mellora de servizos e infraestruturas do municipio, o que mellorará a calidade de vida da veciñanza"

Mércores, 22 de agosto de 2018

As persoas interesadas aínda poden inscribirse na Oficina Municipal de Turismo, na Praza do Campo, ou ben a través do teléfono 982-251-658. O punto de partida é a marquesiña da rúa Alcalde Anxo López Pérez, ás 10:00 horas

Anteriormente celebráronse outros 7 percorridos, nos que participaron unhas 100 persoas, coa presenza de visitantes de Madrid, Logroño, Valencia e Barcelona, dentro do territorio nacional, e de Alemaña e Italia, con respecto ao panorama internacional

Martes, 21 de agosto de 2018
Os veciños e veciñas da contorna de Fingoi interésanse polos Orzamentos Participativos

Rosana Rielo achegouse ao centro de convivencia para explicarlle á veciñanza o procedemento de participación neste proceso, co que o Goberno quere implicar á cidadanía para que decida en que e en onde investir os orzamentos municipais

Tras esta reunión, o Goberno achegarase á Piringalla o vindeiro martes, 28 de agosto, ás 20:00 horas. A xuntanza será no centro de convivencia María Balteira

Martes, 21 de agosto de 2018
O novo céspede artificial dos campos da Cheda e de Frigsa estará listo o vindeiro mes de setembro

Miguel Fernández supervisou o inicio das obras, froito dun convenio de colaboración asinado entre os Gobernos do Concello e da Deputación

"Hoxe é un día importante para o deporte base lugués", pois estas obras, ademais de satisfacer unha demanda de moitos xogadores e afeccionados, "vannos permitir gañar en comodidade e seguridade nunha práctica deportiva na que particpan moitos lugueses e luguesas"

Martes, 21 de agosto de 2018
O Concello garante a accesibilidade, o tránsito peonil e a seguridade da rúa Outono, cumprindo cunha petición veciñal

As actuacións, enmarcadas no Plan de Barrios e cun orzamento de 5.000 euros, consistiron no cambio de baldosas por unhas de maior adherencia e a colocación dunha rampla. Ultimaranse coa disposición de varandas

Estas tarefas, que supervisaron Lara Méndez e Manuel Núñez, son outro exemplo das peticións da cidadanía que recolle o Goberno de xeito continuo, e que non teñen outra finalidade que a de asegurar as mellores condicións aos distintos barrios da cidade

Martes, 21 de agosto de 2018

O prazo de presentación de solicitudes é de 20 días naturais, é dicir, ata o 9 de setembro

Luns, 20 de agosto de 2018
O Goberno exponlle aos industriais da Praza de Abastos e do Mercado Municipal o proxecto de peonalización e humanización de Quiroga Ballesteros

Lara Méndez, acompañada de Rosana Rielo e Manuel Núñez, avanzou as tarefas, que se licitarán en outono: reurbanización da rúa, creación de zonas de descanso, renovación de abastecemento e saneamento e da iluminación e soterramento de cables de suministro

O proxecto tamén contempla o desenvolvemento de elementos axardinados. Tras a realización destas obras haberá unha segunda fase de actuación, a execución dunha cuberta na rúa, o que contará cun proxecto diferenciado

Esta é outra actuación da Alcaldesa para recuperar a esencia dunha cidade, definida, principalmente, pola existencia de espazos públicos para o seu uso público; que conta cun orzamento de 1,1M€ e un prazo de execución de 10 meses

Coa peonalización e humanización, o equipo de Méndez equilibra a mobilidade, a sostibilidade e a socialización, e faino ademais nunha parte central, importante e emblemática da cidade, a zona de compras diarias, co obxecto de dinamizal

Luns, 20 de agosto de 2018
Continúan en Lugo os plans alternativos da programación +Xtí para a mocidade

Haberá un curso de transportista de mercancías perigosas, CAP e permiso C, outro sobre maquinaria para movementos de terra, e un último sobre manexo de carretillas elevadoras

Un seminario de voo acrobático, loita grecorromana, e iniciación ao golf son outras das actividades que propón o Concello para agosto e setembro

Luns, 20 de agosto de 2018
47 tapas para saborear do 7 ao 23 setembro en Lugo

Carmen Basadre e Cheché Real presentaron a décimo cuarta edición do concurso de tapas de Lugo, que convocará o mellor da gastronomía local luguesa en pequenos bocados ao longo de 16 días

O xurado popular elixirá o local gañador do concurso e e un xurado técnico o primeiro, segundo e terceiro premio, así como as maridaxes, tanto con Estrella Galicia como con viño Ribeira Sacra

Domingo, 19 de agosto de 2018
Nova xuntanza veciñal dos Orzamentos Participativos: o martes, en Fingoi

Terá lugar no centro de convivencia do barrio, a partir das 20.00 horas, e nela os asistentes coñecerán o funcionamento desta ferramenta de participación cidadá activada polo Goberno e logo decidir o destino de 350.000€ con cargo ao presuposto deste ano

Ata o 9 de setembro pódense facer achegas, a través da web loop.lugo.gal ou do Rexistro Xeral

Páxinas