Actualidade

Luns, 25 de marzo de 2019
O Concello instala o novo mobiliario urbano en distintos puntos da cidade, para crear vida social nas súas rúas

Trátase do mobiliario que adquiriu a finais do ano pasado, cunha inversión de 54.000 euros: 107 bancos e 163 xardineiras, tanto rectangulares como circulares

Con esta nova humanización da cidade, o Concello contribuirá a xerar novos espazos de conviencia, lecer e descanso ou a revitalizar outros que xa son puntos de encontro. Dáse resposta a peticións veciñais

Os operarios do Plan Mellora traballaron esta mañá na Praza de Alicante, onde se colocaron 4 bancos e na rúa Xesta, onde irán 2 bancos e 4 xardineiras

Luns, 25 de marzo de 2019
Lugo dedica un mes de abril máis á música contemporánea  co VII Ciclo MIHL Sons XXI, que achegará a música da Península á cidade

Carmen Basadre, Eduardo Vidal, Diego Ventoso e Juan Ignacio Martínez presentaron a programación, que arrinca o 2 de abril e se desenvolverá ata o 24 de abril no MIHL, no Vello Cárcere ou no Conservatorio Profesional de Música

Inclúe concertos, un espectáculo de música e danza contemporánea, Olladas no tempo, e unha clase maxistral de percusión. As actividades son de entrada libre e gratuíta ata completar cabida

Luns, 25 de marzo de 2019

O evento exporá o vindeiro día 29 de marzo, ás 20:30 horas, no Circulo das Artes, as últimas novidades do deseño lucense, tanto en moda como complementos e artesanía

Nesta edición participarán cinco deseñadores consolidados na provincia, cinco noveles e 15 artesáns. A condución da gala estará a cargo da actriz galega Marta Doviro

As entradas terán un coste de 15 euros e estarán dispoñibles nos seguintes establecementos: Rebolo Bellas Artes, M&N Xoias, Tina Cortón, Montse Arias e Sara Lage

Sábado, 23 de marzo de 2019
Xustiza comprométese con Méndez a dotar de inmediato a Lugo da estrutura de persoal correspondente a un novo Xulgado do Social

A alcaldesa Lara Méndez pechou este compromiso coa ministra Dolores Delgado onte no Ministerio tras semanas de contactos permanentes para desbloquear a situación.

A estrutura, que é a correspondente a unha unidade xudicial, consolidarase xa como un novo órgano se a carga de traballo se mantén no tempo.

Venres, 22 de marzo de 2019
Lugo volverá vestirse de primavera o próximo sábado 30, co desfile de moda do comercio de Lugo

A gala de moda organizada pola Asociación de Autónomas de Galicia, coa colaboración do Concello e da Deputación de Lugo, busca impulsar o comercio de proximidade e demostrar a súa gran calidade

23 comercios da cidade mostrarán as súas propostas para nenos e adultos en téxtil, calzado, xoiería, peletería e complementos. O aforo da gala é de 300 persoas, os convites son de balde e é necesario solicitalos nos establecementos participantes

Durante o desfile, na sala de exposicións haberá obradoiros para os máis pequenos, ademais ao finalizar sortearanse dous vales de 50 euros e un de 100 euros para gastar nas tendas participantes

Venres, 22 de marzo de 2019
Aberta a inscrición para os 4 torneos do Ludus Gaming Festival, que contará con 8 zonas diferenciadas e máis de 100 postos de xogo

Pódense realizar ben a través da páxina web do Concello, www.lugo.gal, ou no enderezo electrónico https://ebone.es/ebone-organiza-videojuegos-ludus-gaming/

O evento, de acceso gratuíto, celebrarase o venres, 29 de marzo, de 17:00 a 22:00 horas, o sábado 30 de marzo, de 11:00 a 22:00 horas e o domingo, 31, de 11:00 a 20:00 horas na Casa do Deporte

A cita está enmarcada na programación do Concello para potenciar as novas tecnoloxías e achegar á veciñanza ao mundo dixital. Está aberto tanto á mocidade como a público familiar que queira gozar co lecer dixital

Lugo prevé uns 5.000 asistentes a este festival, co que o Concello recupera un encontro que xa se realizou en anos pasados con características similares na cidade de Lugo e grande aceptación