Actualidade

Luns, 19 de novembro de 2018
O Goberno presenta as 28 propostas, aportadas e escollidas polos veciños e veciñas, que se executarán cos Orzamentos Participativos

A aplicación posta en marcha para os Orzamentos Participativos, e que sustentou todo o proxecto https://loop.lugo.gal/, recibiu máis de 6.100 visitas, e involucráronse na votación máis de 600 persoas

No conxunto do proceso presentáronse 237 propostas de investimento, das que 107 foron viables, tras a análise dun equipo técnico municipal

Á vista dos resultados, Rosana Rielo fixo unha valoración moi positiva deste proceso de participación cidadá e democracia directa, que promoveu que a veciñanza pasara de observadora a protagonista activa do que ocorre en Lugo

As propostas gañadoras diríxense, principalmente, aos eidos de emprendemento, servizos sociais e deporte. Tamén destacan as relacionadas co Mercado e ca Praza de Abastos e outras apostando por un espazo público máis amable

Luns, 19 de novembro de 2018
O Concello educa en valores ao alumnado de colexios e institutos para previr as drogodependencias

Ofrece distintos talleres, que teñen como obxectivo a prevención, información e formación a través de programas de intervención socioeducativa. Versan sobre educación afectivo-sexual, técnicas de estudo, novas tecnoloxías e bulling

Tamén ofrece outras actividades como unha charla e documental, unha xornada sobre saúde na escola, un obradoiro dramatizado sobre o abuso das novas tecnoloxías ou un monográfico sobre a verdade do cannabis

A entidade local organiza este xoves, 22 de novembro, unha mesa redonda sobre A Xuventude e redes sociais, da ciberviolencia á cibercultura. Celebrarase a partir das 19:00 horas no Vello Cárcere

Venres, 16 de novembro de 2018

A Alcaldesa plantexou á oposición esta medida, que supoñerá que, tras o derribo total do edificio, non poida levantarse no ámbito ningún outro, pois estará dedicado ao esparexemento e lecer da cidadanía

O Concello fará todo o posible para minimizar a indemnización, entre outras maneiras, abrindo un canal de negociación co propietario encamiñado a compensar os dereitos edificatorios que ten coa cesión doutras parcelas municipais

Xoves, 15 de novembro de 2018
O Inicia Coworking abre as inscricións para a súa cuarta e última edición, avalado por un éxito do 70% dos participantes cun negocio en marcha

Unhas 22 persoas poderán incorporarse a esta última edición do programa. Os e as interesadas en sumarse poden facelo no enlace https://www.eoi.es/es/espacios-coworking/lugo-4a-edicion

Ana Prieto animou a todas aquelas persoas con iniciativa e con ideas para novos proxectos a presentar as súas ideas a esta convocatoria, ata o 15 de decembro. Esta fase desenvolverase entre xaneiro e xuño no CEI-NODUS

Xoves, 15 de novembro de 2018

As veciñas e veciños interesados en participar poden facelo aínda achegándose ata o CEI-NODUS, de 10:00 a 13:00 horas, e ao Edificio de Novas Tecnoloxías, de 10:00 a 13:00 horas, e de 17:00 a 19:00 horas

A persoa deberá presentar o seu DNI e poderá votar ben nas propias instalacións ou cun código que se lle facilitará, a través da web loop.lugo.gal

Mércores, 14 de novembro de 2018

As actuacións de jazz serán no Círculo das Artes, no Club Clavicémbalo e no bar Ho! Gruf, e o concerto multicultural de Batuko Tabanka, no Centro de Convivencia de Fingoi, o sábado, dende as 19:00 horas

Para a excursión do sábado ao Caurel, dirixida á mocidade, é preciso inscribirse na Casa da Xuventude e para a do domingo polo Camiño Primitivo, na Oficina Municipal de Turismo

O agasayo de Anya, a cargo de Teatro Marionetas Trécola; é o espectáculo teatral do domingo, que arrincará ás 18:30 horas no Auditorio Municipal Gustavo Freire. O importe das entradas é de 5€ para adultos e de 2,5€ para nenos e nenas

A maiores, o venres, o Vello Cárcere acollerá un faladoiro feminista e a inauguración dunha exposición de pintura do Eixo Atlántico